Enlightenment, మోక్షం.
చెడు మనసుతో నిండియున్న లేదా కప్పబడిన దానిని ఖాళీ చేసి లేదా తీసివేసి పరమాత్మ అన్వేషణ పరిమళాలతో నింపాలి. దానికై చేసే సాధన అత్యవసరం. కర్మ ద్వారా సాధ్యం. తరువాత దానిని నిలుపు కోవాలి. నింపి పట్టుకోవాలి. పరమాత్మ స్వరూపాన్ని గ్రహించి మనసు దానియందే లగ్నము చేయాలి. అట్టి కర్మ సాధన మోక్ష ప్రాప్తికి దారి తీసి, అట్టి సాధన శిఖరం అంచున చేరి మోక్షం కలుగును. భగవంతునిలో నీవు అనగా నీ ఆత్మ జ్యోతి రూపం లీనం అగును. ఇదియే పరమ సత్యము. ఇదియే నీ జీవిత గమన మజిలీ లేదా ఉద్దేశ్యం అనగా జీవిత పరమార్థం. సత్ చిత్తముతో కూడిన మనసుతో,బుద్ధితో ఏకాగ్రతతో ధ్యానం అనే కర్మ సాధనం ద్వారా పరమాత్మ యందు నిలిపే నీ దృష్టి నిన్ను అతనిలో ఐక్యము చేయును.
Comments
Post a Comment